மொய் கிஃப்ட்: அடிக்கடி கேட்கப்படும் கேள்விகள்
மொய் கிஃப்ட் செயலி பற்றி குடும்பங்கள் அதிகம் கேட்கும் கேள்விகளும் பதில்களும்.
மொய் கிஃப்ட் என்றால் என்ன?
மொய் கிஃப்ட் ஒரு Android செயலி. காகித மொய் நோட்டுக்குப் பதிலாக, திருமணம், புதுமனை புகுவிழா, காது குத்து போன்ற விழாக்களில் யார் எவ்வளவு (பணம், தங்கம், வெள்ளி, பரிசு) கொடுத்தார்கள் என்று பதிவு செய்யலாம்; மொத்தமும் அறிக்கைகளும் உடனே கிடைக்கும்.
பயன்படுத்த இணையம் வேண்டுமா?
வேண்டாம். பதிவு செய்வது, அறிக்கைகள், பூட்டு எல்லாம் இணையம் இல்லாமலே வேலை செய்யும். விருப்பமான Google Drive காப்புப்பிரதிக்கும், சில போன்களில் குரல் பதிவுக்கும் மட்டும் இணையம் தேவை.
தமிழில் பயன்படுத்தலாமா?
ஆம். செயலி முழுவதும் தமிழிலும் ஆங்கிலத்திலும் உள்ளது; எப்போது வேண்டுமானாலும் மாற்றலாம். பெயர்களைத் தமிழிலோ ஆங்கிலத்திலோ தட்டச்சு செய்யலாம், பேசலாம். PDF அறிக்கையிலும் தமிழ் சரியாக அச்சாகும்.
குரல் பதிவு எப்படி வேலை செய்கிறது?
ஒவ்வொரு பெட்டியிலும் மைக் உண்டு. மைக்கை அழுத்திப் பிடித்தால் தமிழ்/ஆங்கிலம் மாறும். "குரல்" பொத்தான் ஊர், பெயர், தொழில், தொகை என்று ஒவ்வொன்றாகக் கேட்கும்; பிறகு "சேமி" என்று சொன்னால் போதும். மைக் அனுமதி அல்லது இணையம் இல்லையென்றால் செய்தி காட்டும்; தட்டச்சு எப்போதும் வேலை செய்யும்.
என் தகவல் எங்கே சேமிக்கப்படுகிறது? பாதுகாப்பானதா?
உங்கள் போனிலேயே. இந்தச் செயலிக்கு சர்வர், கணக்கு, கண்காணிப்பு எதுவும் இல்லை; உங்கள் பதிவுகள் எங்களுக்கு வருவதில்லை. 4 முதல் 6 இலக்க PIN, கைரேகைப் பூட்டு வைக்கலாம்; பின்னணியில் 2 நிமிடம் இருந்தால் செயலி மீண்டும் பூட்டிக்கொள்ளும்.
பணத்தைத் தவிர வேறு என்ன பதிவு செய்யலாம்?
ஒவ்வொரு விழாவிலும் பணம், தங்கம்/வெள்ளி, பொருட்கள் என மூன்று வகை உண்டு. தங்கம், வெள்ளிக்கு எடையை கிராமில் போடலாம் ("ஒரு பவுன்" என்று சொன்னால் 8 கிராம்). மூன்றுக்கும் நோட்டுப் புத்தகம் போல ஒரே வரிசை எண்.
தவறாகப் பதிந்ததை மாற்றலாமா?
ஆம். சேமித்தவுடன் செயல்தவிர் செய்யலாம்; பதிவைத் தொட்டுத் திருத்தலாம்; இழுத்து நீக்கலாம். நீக்கும்போது உறுதிப்படுத்தல் அல்லது செயல்தவிர் வசதி வரும்.
என்ன அறிக்கைகள் கிடைக்கும்?
தொகை வரம்பு வாரியான மொத்தம், ஊர் வாரியான கணக்கு, பெரிய மற்றும் சிறிய தொகைகள், விருப்ப வரம்பு, தேடல், நகை மற்றும் பொருட்கள் அறிக்கை. எல்லாவற்றையும் PDF, Excel, CSV ஆக ஏற்றுமதி செய்யலாம்; அச்சும் எடுக்கலாம்.
தகவலை எப்படிக் காப்புப்பிரதி எடுப்பது?
காப்புப்பிரதி திரைக்குச் செல்லுங்கள். உங்கள் சொந்த Google Drive-ல் (செயலி உருவாக்கிய கோப்புகளை மட்டுமே பார்க்கும்; தினசரி தானியங்கி காப்புப்பிரதியும் வைக்கலாம்) அல்லது எந்த ஃபோல்டர், SD கார்டு, WhatsApp, மின்னஞ்சலிலும் கோப்பாக எடுக்கலாம். AES-256 குறியாக்கத்துடன் கடவுச்சொல் வைத்துப் பாதுகாக்கலாம்.
போன் தொலைந்தால் அல்லது மாற்றினால் பதிவுகளை எப்படி மீட்பது?
புதிய போனில் மொய் கிஃப்ட் நிறுவி, Google Drive அல்லது காப்புப்பிரதிக் கோப்பிலிருந்து மீட்டெடுக்கலாம். காப்புப்பிரதி இல்லையென்றால் பழைய போனில் மட்டுமே பதிவுகள் இருப்பதால் மீட்க முடியாது; அதனால் அடிக்கடி காப்புப்பிரதி எடுங்கள்.
PIN மறந்துவிட்டால் என்ன செய்வது?
பூட்டுத் திரையில் "PIN மறந்துவிட்டதா?" என்பதைத் தொட்டு, முன்பு இணைத்த Google கணக்கில் உள்நுழையுங்கள். Google கணக்கு இணைக்கவில்லையென்றால் PIN-ஐ மாற்ற முடியாது; செயலியின் தரவை அழித்தால் அந்தப் போனில் உள்ள மொய் அனைத்தும் நீங்கும், பிறகு காப்புப்பிரதியிலிருந்து மீட்டெடுக்கலாம்.
கொடுத்தது, வாங்கியது கணக்கு என்றால் என்ன?
மற்றவர் விழாக்களில் நீங்கள் வைத்த மொய்யைப் பதிந்து, பெயர் மற்றும் ஊர் வைத்து இணைத்துக் காட்டும்; ஒவ்வொருவரிடமும் வாங்கியது, கொடுத்தது தெரியும்.
உதவிக்கு அல்லது பிரச்சினையைத் தெரிவிக்க யாரைத் தொடர்புகொள்வது?
support@oodhwe.in முகவரிக்கு எழுதுங்கள். காப்புப்பிரதிக் கோப்புகளையோ PIN-ஐயோ அனுப்ப வேண்டாம்.